தெரிந்து கொள்ள வேண்டிய வாழ்க்கை பாடங்கள்!!!

 1.      ஒரு செயலின் சரி/தவறு என்ற மதிப்பீடெல்லாம் இடம், பொருள், ஏவல் பொறுத்து மாறும்.

2.      உலகம் தொடர்ந்து இயங்கிக் கொண்டே இருக்கும். நாம் இருந்தாலும் இல்லாவிட்டாலும் பெரிய மாற்றங்கள் இருக்காது. விடியலும் அஸ்தமனமும் யாருக்கும் காத்துக்கொண்டு இருப்பதில்லையே.

3.      தினம் காலையில் 5 மணிக்கு எழுந்தால் மட்டும் போதாது. 11-12 மணிக்கு கொட்டாவி விடாமல் இருப்பவருக்கே செல்வம் கூரையை பிய்த்துக் கொண்டு கொட்டும்.

4.      ஒருவரை பிடிப்பதற்கான காரணம் முகமோ, நிறமோ மட்டுமேயல்ல. அதையும் தாண்டி எண்ணம், செயல், குரல்.... நிறைய இருக்கு. சிலசமயம் எழுத்தும் கூட.

5.      தன்னை எல்லோருக்கும் பிடிக்க வேண்டுமென்று வலிய முயற்சி செய்பவர், ஒரு கட்டத்தில் சலித்து போய் எல்லோரையும் உதறி சென்று விடுவார்.

6.      நம் விருப்பம் போல ஒருவரை செயல்பட வைக்க, அவர் பேசுவதை கவனித்தாலே போதும். குழந்தை பேசுவதை காது கொடுத்து கேட்டாலே, நம்மை பிடித்துப்போய், நம் சொல்படி நடப்பார்கள். கணவன்/மனைவியும் தான்.

7.      வெற்றியையும் தோல்வியையும் சமமாக பாவிப்பருக்கே வெற்றி கிட்டும். நாம் என்ன ஞானியா? என்ற எண்ணம் தோன்றலாம். குறைந்தபட்சம் தோல்வியை ஜீரணிக்கும் தெளிவு வேண்டும். மனம் சமநிலையடையும் போதே காரியத்தில் கவனம். வெற்றிக்கு வாய்ப்பு.

8.      நேர்மறை எண்ணங்களை உருவாக்க தினமும் ஒரு மணி நேரம் தியானம் செய்வதால் குபீரென்று எழுந்து கொள்ளாது. முதலில் மேஜையை, அறையை சுத்தம் செய்வதில் துவங்க வேண்டும்.

9.      எந்த செயலை பொழுதுபோக்க தேர்வு செய்கிறோமோ, அதுவே பிற்பாடு நம் நேரத்தை முழுமையாக ஆக்கிரமித்துக் கொள்ளும்.

10.  உற்சாகமாக இருப்பவரையே அனைவரும் விரும்புவர். நம் குழந்தையே ஆனாலும் எதற்கெடுத்தாலும் அழுதால் எரிச்சல் வரத்தானே செய்யும். எதையோ பறிகொடுத்தது போல் இருப்பவரை கழட்டி விடவே நினைப்பார்கள்.

உற்சாகமாக இருங்கள். எல்லோரிடமும் இணக்கமாக இருங்கள்.